الأمير هاري كين
هاري كين بدأ الموسم هذا بشكل أقل ما يُقال عنه بداية مثاليه وبدون تسليط ضوء كبير عليه، في 9 مباريات من بداية الموسم ساهم الأمير في 18 هدف، 10 أهداف و9 أسيست،
وفي الدوري الانجليزي خصوصًا قدر يسجل 5 أهداف و 7 أسيست في فرصة تاريخية في الدوري الانجليزي إنه يكسر الرقم القياسي لتيري هنري ودي بروين.
الرقم لتيري هنري ودي بروين
تيري هنري في موسم 2004 التاريخي موسم الاهزيمه لأرسنال قدر يسجل 30 هدف في الموسم، مع 20 أسيست، دي بروين قدر يعادل الرقم ده الموسم الماضي بعد ما صنع 20 أسيست
كين الموسم ده لو قدر يستمر كده هيقدر يصنع أكتر من 20 أسيست، توظيفه مع مورينيو أكتر من مثالي له وللفريق. في ماتش مانشستر يونايتد مثلًا، الكل إتكلم عن سون، لكن القطعة الأبرز في الماتش ده كان كين وبلا منازع،
الأعصار هاري كين اللاعب رقم 10
كين كان بيتمركز بين المدافعين مش أمامهم، علشان يتحرك بدون كورة ويسحب مجواير معاه ويصنع مساحة بين بايلي وبيساكا، وقتها ندومبيلي بيتحرك بشكل طولي مع كين وبيمرر الطولية لسون في المساحة على الشمال وبيتسجل هدف.
اللقطة دي إتكررت 17 مرة خلال الماتش، سواء سون بيتحرك على اليمين أو الشمال أو في العمق، وفي كل مرة كان فيه خطورة بسبب كين اللي بيمرر أو بيصنع مساحة
في ماتش ساوثهامبتون قبل ماتش اليونايتد اللي خلص بخماسية لهدفين لصالح توتنهام، كين قدر يصنع 4 أسيست لسون ويسجل هدف وبنفس الكيفية لكن مع تغيير بسيط
كين بيتحرك بدون كورة لمناطق بعيدة عن مركزه الأساسي وغالبا بيكون اللاعب رقم 10 وبتوصل أحيانًا لدائرة الوسط، علشان يسحب لاعب وسط بيلعب عليه Man Line، وبعدها ندومبيلي بيضغط عليه وكين بيتحرك بشكل عمودي لعمق الخصم علشان يكون عنصر إضافي outlet لسون، بنفس الشكل كل مرة.
اللعبة المركبة دي هتعمل فارق كبير لكين ولتوتنهام ولسون ولمورينيو لو عرف يغير فيها علشان يشتت رقابة الخصم كل مرة وحسب التمركز والشكل الدفاعي لكل خصم عن خصم وإلا بينتج في نهايتها دايما الاهداف .
هاري كين نموذج مثالي للمهاجم العصري ولمهاجم كرة القدم عمومًا، الأ أوقات كتير كان الناس بتقلل في حقه وتقول إنه رأس حربة تقليدي وبطئ.
تعليقات
إرسال تعليق